પાધરું

• ૧. (વિ.)
  • અનુકૂળ; લાભદાયક.

ઉદાહરણ : પરમેશ્વર જો પાધરો શત્રુથી શુ થાય;

પથરા ફેંકે પાપી તે, ફૂલ થઈ ફેલાય. – દલપતરામ

• • કૂડકપટ રહિત; સરળ; ન્યાયને માર્ગે ચાલ્યું જાય એવું; ન્યાયી; પ્રામાણિક.
  • ખરેખર; સાચું.
  • ઠીક; સારૂં.
  • વાંકુંચૂંકું નહિ એવું; આડુંઅવળું નહિ પણ સીધું.

ઉદાહરણ : ઉદ્યમ કરીએ અતિ ઘણો, કૂડ કપટ કહેવાય;

કર્મ ન હોયે પાધરું, (તો) બારે વાટે જાય. – શામળ

• • સીધે માર્ગે જનારું; સરળતાવાળું; પાંસરું.
  • હિત ચાહનારું; મિત્ર જેવું.

ઉદાહરણ : પાધરો વિભિક્ષણ રે હો, તે તો વાંકો થયો. – પ્રેમાનંદ

• ૨. (અ.)
  • કોઈની મારફત વગર; વચમાં કોઈને રાખ્યા વગર.
  • તરત; તાબડતોડ; વગર વિલંબે; એકદમ.
  • નિત્ય; અમર; અવિનાશી.
  • બારોબાર; પાંસરું; એક છેડેથી બીજે છેડે; સળંગ.
  • સંમુખ; સામું.
  • સીધું; દોરીછટ.

સંદર્ભ

• પાધરું ભગવદ્ગોમંડલ પર.