બેલું

પ્રકાર

નામ (નપુંસક લિંગ)

અર્થ

• જોડું, જોડલું. બેનું જોડકું; બેની જોડ; યુગ્મ; બેનો સમવાય; જોડકું.

ઉદાહરણ : પ્રભુએ એમના બેલાં બાંધ્યાં હશે. – પ્રેમાનંદ

• કાંતવાની પૂણીનું જોડકું.
• (લાક્ષણિક) જોડાવું એ, સંબંધ
• પથ્થરનું ચોસલું; ધોળો રેતાળ પથ્થર; ધોળા પથ્થરનું ચોસલું; ધોળા રેતાળ પથ્થરનું ચોસલું; ધોળો લંબચોરસ પથ્થર. તે સાધારણ રીતે ૪થી ૮ ઇંચ જાડાઈ, ૧૦થી ૧૨ ઇંચ પહોળાઈ તથા ૧૨થી ૧૬ ઇંચ સુધીની લંબાઈનો હોય છે. ‡
• એકસાથે બે ઉપવાસ.
• ગપાટો; અશક્ય વાત.†
• મિત્રતા.
• સ્નેહનું સગપણ; સ્નેહનો સંબંધ.

ઉદાહરણ : હું તો મગન થઈ મસ્તાન, ખાંતે ખેલું રે, બાંધ્યું બ્રહ્માનંદના નાથ સંગાથે બેલું રે. – બ્રહ્માનંદ

રૂઢિ પ્રયોગ

• બેલું મૂકવું = ગપાટો મારવો.†
• ગજિયું બેલું = અઢાર આંગળ લાંબું બેલું.‡