કાંતિ

૧. (સ્ત્રી.) અભિલાષ; ઇચ્છા.
- વ્યુત્પત્તિ: [સંસ્કૃત] કમ્ ( ચાહવું ) + તિ ( નામ બનાવનાર પ્રત્યય )
૨. (સ્ત્રી.) ( પિંગળ ) એક માત્રામેળ છંદ; કાંતિ. તે આર્યા છંદનો એક ભેદ છે. તેમાં ૨૫ લઘુ અને ૧૬ ગુરુ મળી ૫૭ માત્રા હોય છે. Read Less
૩. (સ્ત્રી.) કામદેવની એ નામની એક શક્તિ.
૪. (સ્ત્રી.) ઘરેણાં વગેરેથી શરીર શણગારવું તે.
૫. (સ્ત્રી.) ચહેરાનું તેજ.
૬. (સ્ત્રી.) ચંદ્રની સોળ માંહેની એ નામની એક કલા. અમૃતા માનદા, પૂષા, તુષ્ટિ, પુષ્ટિ, રતિ, ધૃતિ, શશિની, ચંદ્રિકા, કાંતિ, જ્યોત્સના, શ્રી, પ્રીતિ, અંગદા, પૂર્ણા, ને પૂર્ણામૃતા એ ચંદ્રની સોળ કલાનાં નામ છે.
૭. (સ્ત્રી.) ચંદ્રમાની એક સ્ત્રીનું નામ; ચંદ્રપ્રિયા.
૮. (સ્ત્રી.) ચાહવું તે.
૯. (સ્ત્રી.) તેજ; પ્રકાશ; નૂર; દીપ્તિ; પ્રભા; આભા.
૧૦. (સ્ત્રી.) દુર્ગા દેવી.
૧૧. (સ્ત્રી.) નાટકનો એક અલંકાર.
૧૨. (સ્ત્રી.) બ્રહ્માની આઠ માંહેની એ નામની એક કલા.
૧૩. (સ્ત્રી.) ભગવાની બાર માંહેની એક શક્તિ. ભાગવત દશમ સ્કંધમાં શ્રી, કીર્તિ, પુષ્ટિ, ગિરા, કાંતિ, તુષ્ટિ, ઇલા, ઉર્જા, વિદ્યા, અવિદ્યા, શક્તિ અને માયા એમ ભગવાનની બાર શક્તિ જણાવેલી છે. Read Less
૧૪. (સ્ત્રી.) લક્ષ્મીની અનુચર એક દેવી.
૧૫. (સ્ત્રી.) શોભ; સૌંદર્ય; મનોહરતા; ખૂબસૂરતી; કાન્તિ.
- ઉદાહરણ
  ૧૯૪૬, ચુનીલાલ મડિયા, વ્યાજનો વારસ, page ૨૨૧:
  પણ એમાં ક્યાંય સુલેખાને અંતરમાં રમતી મનોમૂર્તિનાં દર્શન નહોતાં થયાં. કાન્તિલાવણ્ય, લેખામાધુર્ય સુન્દરમ્ એ સર્વ લક્ષણો એકીસાથે ક્યાંય જોવા નથી મળતાં.
૧૬. (સ્ત્રી.) સુંદર સ્ત્રી.
૧૭. (સ્ત્રી.) સ્ત્રીઓમાં શૃંગારથી ઉત્પન્ન થતો એક સૌંદર્યગુણ.