છાજિયાં

• ૧. (ન. બ. વ.) કૂટવાની એક ક્રિયા; મરનારની પાછળ સ્ત્રીઓ ઊભી રહીને ગાવાની સાથે કૂટે તે; શોકના આવેશમાં છાતી કૂટવી તે.
  • રૂઢિપ્રયોગ:
    ૧. છાજિયાં ઊપડવાં = કલેશ થવો.
    ૨. છાજિયાં લેવાં = (૧) કોઈને નામે કૂટવું. બદદુઆ આપતાં સ્ત્રીઓ આ પ્રયોગ કરે છે. (૨) જેના ઉપર ક્રોધ આવ્યો હોય તેને નામે કૂટવું; હાયવરાળ કરવી; એકદમ જોશભેર કોઇની સામે જઈ જોરમાં ને જોરમાં થોડી વાર કૂટવું. (૩) પાછળથી પશ્ચાત્તાપ કરી રોવું ને કૂટવું. (૪) મરનારની પાછળ સ્ત્રીઓનું ગાવા સાથે કૂટવું.
  • ઉદાહરણ :
    ૧૯૪૬, ચુનીલાલ મડિયા, વ્યાજનો વારસ, page ૧૬૨:

    ‘ખોટું બોલ મા. હજીય હું તારી પડખે જ છું. હું તારી પડખે ન હોત તો તો મોટાભાઈએ કે’દાડાનું તને પાણીચું પરખાવી દીધું હોત એ ખબર છે ? વ્યાજવટાવમાં તારી રાડ્ય ઓછી નથી. રોજ ઘેરોએક ઘરાક મોટાભાઈ પાસે તારા નામનાં છાજિયાં લેતાં આવે છે. પણ મારે લીધે તું ટકી રિયો છો !’